Dette er Balanzera sitt hovudfokus, i tillegg til økologiske og miljøvennlege produkt.
Frisørfaget er eit kjempe bra fag på mange måtar. Ein får utfolda seg kreativt kvar dag og treffe mange ulike typer menneske. Eg syntes iallefall det er veldig positive sider ved faget vårt. Men, så har det desverre vore veldig mange dårlege vaner i frisørfaget, i alt for mange år.
Det har vore størst fokus på at kunden skal vere fornøgd, og arbeidsforholda til frisørane er sidesatt. Ved bruk av tradisjonelle hårprodukt har dette gått ut over frisørane si helse og i tillegg har det vore veldig vanleg med svært tettepakka arbeidsplan. Dvs. lite avsatt tid til kvar kunde, og kundar som er fletta i kvarandre, som fører til at frisørane fyk rundt som homler heile dagen. Ofte er det knapp tid til matpause. Iallefall om dei blir litt forsinka, eller ein kunde kanskje kjem litt seint, så går heile planen i vasken og det er ikkje uvanleg at frisørane må hive i seg maten ståande og anpustne, før dei må vidare til neste kunde.
Så det seier seg kanskje sjølv at det ikkje er så rart at frisørane ikkje held ut så lenge i bransjen, men må avslutte karriera pga. utmattelse, slitasje i rygg og armar eller allergi. Det er altså på høg tid at vi får endra på dette dårlege arbeidsmiljøet for frisørane og forhåpentlegvis få beholde dei lengre i faget.
Vi i Balanzera set av god tid til kvar kunde, og har ingen kundar i mellom ein behandling. Dette er betre både for kunden og frisøren. I tillegg har vi flekstid, som gjer at frisørane kan ta seg ein lengre lunsj om ho ynskjer det, og komme seg ut trekke luft eller få gjort nokre ærend.
Vi spelar roleg og avstressande musikk, og prøvar å halde ein roleg stemning i salongen. Det blir nok støy med mange frisørar og kundar i salongen, og føhnarar som går nokså ofte, om ein ikkje skal øse på med tecnomusikk eller radio i bakgrunnen.
Det er små bevisste valg vi har tatt, som eg er sikker på gjer ein stor forskjell i varigheten på våre frisørar si karriere.